ليه ابني مش بيسمع كلامي؟

ليه ابني مش بيسمع كلامي؟ كلنا بنسأل نفسنا السؤال ده دايما

في الحقيقه الجمله دي جمله لولبيه

طيب انتي ليه مبتسمعيش كلام جوزك؟

طبعا هتقوليلي ” انتي بتقولي ايه ؟ ايه اللي دخل ده في ده ؟
وبعدين هو مش بياخد رأيي ، ولا المفروض يقول وانا انفذ يعني ؟
يعني مشركنيش معاه و مقاليش رأيك ايه
عارفه؟ انا ممكن اسمع كلامه عادي بس لو حسسني بأهميتي وقالي ايه رأيك “

طب اشمعني انتي يعني ، مهو ابنك بني آدم زيك عاوز برضه يحس بأهميته.

صدقي ابنك اللي بيتنطط ده بني آدم والله بغض النظر عن شغل القرود ???????????? والحركه الكتير.

ابنك نفسه يحس بأهميته و نفسه يحس انك بتاخدي رأيه و شيفاه ليه وجود وأهميه زيك مع جوزك بالظبط.

ابنك بني آدم و لازم تحترمي أهميته وانتماؤه علشان يسمع كلامك ، و ساعتها اكيد مش هتقولي ” ليه ابني مش بيسمع كلامي “