غضب ولادك نوع من النمو
تعرفي ان غضب ولادك نوع من النمو !! لا و كمان سوء سلوكه!!
تعالي اقولك ازاي :
الطفل لما بيتحداك ويقف يصرخ قصادك هو عاوز يقولك
- أنا هنا.
- أنا عندي رأي زيك.
- متجبرنيش أعمل حاجه مش عاوزها.
- خد رأيي وحاول تتفاهم معايا.
انا عارفه انها اكتر حاجه تنرفز ان ابنك ميسمعش كلامك ويقف يتحداك وحرفيا بتبقي عاوز تاكله انا ام وفاهمه احاسيسكم كأباء و أمهات بس علي الوجه التاني
- مش عايزين ولادنا يحسوا انهم دايما سبب مشاكل وخناق لينا فياخدوا طاقه وفكره سلبيه عن نفسهم.
- مش عاوزين دايما نكون في صراع معاهم مين اللي يثبت ان كلامه صح دي مش حرب بينك وبينه.
- مش عاوزينه يسمع كلام كل الناس حتي لما يكبر ويكون مدمن استحسان وكلام حلو.
طب الحل ايييه؟
الحل انك متكسروش و متعنفوش
ازاي يعني عاوزاني اسمع صريخه في وشي واسكت؟
- ساعات بيبأه الحل المثالي اننا نبعد لحد اما يرجع عقلنا ونتكلم بطريقة مهذبه مع بعض.
- صدقني لو دخلنا في تحدي انت اول واحد هتخسر ابنك.
- اسمعه لحد لما يهدأ واسألوا واتناقش معاه و اديلوا خيارات تكون انت اللي محددها وخليه يختار بينها.
- حاول تديلو مساحته في الاختيار والحريه.
و ما تنسوش انكم اللي هتعملوه وقت غضبكم هم كمان هيعملوه وقت غضبهم ، لانهم مرايه لينا و لتصرفاتنا.
Leave A Comment