امتى تودي ابنك الحضانه

(سن الحضانه المناسب للطفل)

سن الحضانه

كلنا كأمهات بنبأه محتارين نودي ابننا حضانه امتى خصوصا لو الام بتشتغل و محتاجه تودي طفلها حضانه او خصوصا كمان لو ربة منزل و حاسه ان طفلها متأخر في الكلام او غيره من المهارات.. ف الأم بتسأل السؤال ده

امتى أوديه الحضانه؟ و ايه سن الحضانه المناسب؟

تعالي اقولك :

لو انتي مامي متوفر عندها الحاجات ده يبأه استني شويه على ابنك

  • اعده وسط اسره داعمه للكلام.
  •  ابنك بيتكلم و يتفاعل مع أطفال كتير.
  • مش بيمسك الموبايل ولا يعرف الشاشات.
  • بدأ يعرف الحيوانات والاشياء المحيطة بيه.
  • بيفهم الأوامر كويس.
  • مامي و أفراد كتير بيرغوا معاه.

لو اتوفر كل ده يبأه استني علي ابنك لحد لما يتم 3 سنين و ده السن المناسب انه يروح الحضانه

طيب لو عكس ده يعني مثلا:

  1. الطفل كلامه متأخر.
  2. ماسك الموبايل وبيحب التليفزيون.
  3. عايشين لوحدكم في بيت مقفول عليكم ومش بيخرج ولا يعرف أطفال.

يبأه ابنك عاوز ينزل حضانه فورا متتأخريش عليه بالكتير سنتين او سنه ونص ان امكن.