خوف ابنك منك

(لما ابنك يعمل حاجة غلط، وتشوف علامات الرعب في عينيه وهو بيقولك : (معلش
.ماينفعش تتجاهل خوفه ومتقبلش اعتذاره وتنفذ عقابك

خلي بالك لو ده بيتكرر كتير ، انت كده مش بتعلمه بل بالعكس..تعالى اقولك ازاي

اولا : إنت كده بتنتقم لنفسك أو بمعنى أوضح (بتفش غلك) او بتكابر على طفلك

!ثانيا : كمان بتلغي من عنده قيمة الاعتذار، وبتشجعه على عدم قبوله

ثالثا : بتعلمه القسوة على المخطئ، حتى وإن رجع عن خطؤه

رابعا : بتنمي عنده حب الانتقام للنفس، بغض النظر عن عذر المخطئ

“ومع ده كله بتهدم معاني كتيييير أوي كانت بيشعر بيها تجاهك”

طيب تتعامل ازاي ؟

لما ابنك يقول لك معلش، خده في حضنك..وقول له تفتكر اللي انت عملته ده صح وتحاول تفهمه الغلط اللي عمله وتساعده علي الحل في الاول وبعدين تتفق معاه انه لو عمله تاني انت مش هتتدخل وهو اللي المفروض يحل الغلط ده وتخليه يوعدك إنه ما يعملش الغلط ده مرة تانيه ، وعرفه إن اللي بيتكرر منه الغلط بيتحمل تبعاته. ومتقولوش هضربك عشان ميتعودش على الضرب والعند بعد كده
لكن برده لازم يتحمل مسئؤلية افعاله سواء صح او غلط

تابعونا دايما علشان تعرفوا تبنوا طفل سوي نفسيا