ايه الحل لما أختلف مع ابني في الرأي؟

ايه الحل لما أختلف مع ابني في الرأي؟ مين اللي كلامه يمشي؟

طيب انتي دلوقتي عاوزاه مثلا يعمل الواجب وهو مش راضي وبيقولك مش هعمله ، وانتي تقولي لا هتعمله

وهو يقول لا مش عامله ودخلنا في دايره سوء السلوك ومين اللي كلامه يمشي المفروض تعملي ايه؟ او تتصرفي ازاي؟

ممكن نقابل طفلين

• واحد منهم هيفضل ينازعك لحد اما هيعمل اللي في دماغو وهتستسلم ،وهو هيحس بالانتصار والتصرف ده غلط.
• طفل تاني هيعمله وهو مرغم بسبب انك هددتيه انك هتعاقبيه مثلا لو معملوش فاضطر انه يعمله مغصوب ولو الموقف ده اتكرر كل مره هيختار انه ميعملوش.

طيب نضور علي الحل بأه

انتي اهم حاجه عندك ابنك ولا الواجب؟
طيب هو بيعمل الواجب ليه؟
طيب ازاي تخليه يحل وهو عادي بدون خناق بينكم علي الاقل؟

تعالي هقولك:

1. ايه رايك تقعدي قعدة اتفاق بينكم انتم الاتنين تسمعي وتتفقوا علي الوقت الامثل اللي تحلوا فيه الواجب انتي فاضيه امتى وهو كمان فاضي امتى.
2. تكوني متأكده ان ابنك نايم كويس و واكل مش جعان وخلاص الوقت جه.
3. تبأوا متفقين هتفكروا ازاي بالواجب.
4. تقسمي الحاجه لخطوات بسيطه يوميه و تشجعي التصرف والمجهود المبذول حتي ولو كان بسيط
   جربي واحده واحده وعرفينا وصلتي لايه.