المنافسه هتبوظ ابنك

المنافسه هتبوظ ابنك

كل ام هتشوف الكلام ده هتقول ايه الكلام الغريب ده ، المنافسه ده هي  اللي بتخلي الولاد متفوقين في كل نواحي الحياه.

:طب تعالي اقولك في نقاط بسيطه المنافسه دي ممكن تدمر الاطفال ازاي

[1] مبدأيا انا معاكي ان في اطفال بيشتغلوا اكتر بالمنافسه ، بس للأسف لما هيكبروا هيفضلوا حاسين انهم في سباق وبيعملوا ضغوطات في حياتهم يمكن تكون مش موجوده اصلا.

[2] وعلي العكس ممكن نلاقي اطفال انطفت شعلة حماسهم بالمنافسه ومبقوش حابين يخشوا السباق او ينافسوا.

[3] مش بس كده ده في اطفال من كترما هم بيخسروا هياخدوا عن نفسهم صوره سلبيه انا وحش وهفضل وحش وعاجبني حالي وانا وحش ومش حابب اتغير.

[4] المنافسه زيها زي المقارنه بين الاطفال وبعضها ، وكان فيه مثل طريف بيتقال عن المقارنه بين قدرات البشر بيقول :
خلي سمكه تنافس عصفوره طايره في السما او خلي عصفوره تنافس سمكه في البحر .

[5] كل طفل ليه بصمته المختلفه تماما عن اي حد غيره ، ازاي هتقارني بين طفل اجتماعي وطفل اكاديمي مثلا؟

.خلي بالك كل تصرف ليكي بيحفر حفره جوه دماغ ابنك ، و بتصرفاتك هتعرفي تحفري حفرات سعيده مليئه بالورود والازهار او حفرات غائره مليئه بالاشواك