العقاب وعواقبه

العقاب وعواقبه

اكيد كلنا عايزين ولادنا احسن اطفال ف الدنيا و بنضايق لما بيعملوا غلط و بنكون شايفين انه لازم يتعاقب علي الغلط وده الطبيعي علشان ميعملوش تاني
طيب مهو فيه اطفال بيتعاقبوا علي نفس الغلط وشويه وبيعملوا نفس الغلط بحذافيره تاني..
طب ايه الحل؟؟

:مبدأيا انا معاكي ان العقاب احيانا بيوقف السلوك.. بس تعالي نشوف علي المدي البعيد ايه اللي هيحصل

[1] هتلاقي ابنك بيعمل نفس الحاجات دي تاني.

[2] مضايق دايما من عقابك ليه وعمره ماهيثق فيكي او هيحكيلك عن حاجه عملها بعد كده.

[3] حب للانتقام وهتتحول بعد كده لامراض سلوكيه زي السرقه مثلا عشان ينتقم منك.

[4]التمرد وهيعمل دايما عكس اللي بتقولي عليه وبتحبيه.

[5] هيحاول يعمل غلط بس من غير ماتقفشيه وهيتلاعب عشان ميتكشفش.

[6] هياخد مفهوم سلبي عن نفسه انا وحش وهفضل وحش.

طيب. تعملي ايه علشان ميوصلش بيكي الحال لكل ده وبرده اكيد مش عاوزه الدنيا تبقي سايبه؟؟

.١] كسر حاجه يبقي هيلمها وتساعديه في الاول لحد اما يتعلم هيلم ازاي

.٢] زعل شخص.. نفكر هنعمل ايه عشان الشخص ده نصالحه وممكن ناخد حاجه منه علشان نديها هديه للشخص اللي زعله وضايقه

.و غيرها كتيييير من الأمثله

.وبكده خلتيه مسئول عن تصرفاته ،و اشركتيه معاكي في حل مشاكله ، و هتخرجيه شخص مسئول يعتمد عليه