التربية الجنسية للأطفال

التربية الجنسية للأطفال

فى حاجة اسمها التربية الجنسية للأطفال ، ده قواعد عامه لو الأم اتبعتها بتفرق جدا مع الطفل

لازم تأهلوا اولادكم ازاي يتعاملوا مع العالم الخارجي ( خاصه ان احنا داخلين على فترة مدارس و أولادنا هيكونوا بعيد عن عينينا )

1. الطفل من و هو بيبي الأم بس اللي تغيرله.
2. التغيير في باب مقفول حتي لو مفيش حد.
3. ممنوع تغير قدام حد حتي لو كان اخواته.
4. لو الام مش موجوده الجده اللي تغير اكبر حد سن ف الاصغر و الاصغر ، وبرده مكان مقفول.
5. من بعد قلع البامبرز وتعليم البوتي لازم الطفل يبدأ يشطف نفسه ، الام تعلمه يشطف نفسه وينظف منطقة العوره ازاي ، وتقلل وضع يديها علي منطقة العورة في تنظيف الطفل.
6. مرحلة البوتي تريننج لازم باب التويلت يبأه مقفول عليهم مش تحط البوتي في الريسبشن والاوض غلط جدا.
7. تبدأي تقولي عيب لما ييجي الطفل يرفع هدومه او يغير او يستحمي ، ولازم يتعود يقفل باب الحمام.
8. ممنوع البوس من الفم منعا باتا ، و الأم والأب من الخد فقط او وباقي الافراد من اليد او الجبهه فقط.
9. مفيش حاجه اسمها طفل يقعد علي رجل حد ، ولو لازم يقعد يبأه يقعد بالجنب و ظهره للهواء مينفعش يقعد ظهره في وش اللي قاعد علي رجله.
10. اول ما الطفل يبدء يدرك هنعيد عليه يوميا من السرة للركبه ده منطقة خاصه بيك انت بس مينفعش حد يشوفها ولا حتي ماما وبابا الدكتور بس اللي يشوفها لو انت عيان وماما وبابا يكونوا معاك ، ومينفعش خالص نشوفها عند حد نغمض عنينا عيب نشوف اي حد من السره للركبه.
11. نربي عند الطفل ان لو حد بيرفع هدومه او عاوز يلمس المنطقه ده يقوله لأ عيب بصوت عالي جدا ، ولو مسمعش الكلام نصرخ ونقول عيب لاء لاااااء ونزعق جدا ، ونقول بسرعه لأي حد كبير موجود ماما بابا المدرسة الداده.
12. لو الطفل في حضانه ناني واحده بس المسؤلة عن دخوله التويلت او تغيرله مش كل يوم ناني شكل.
13. يتنبه علي الحضانه او المدرسه تأكد عليه من السرة للركبه منطقة خاصه بيا مينفعش حد يشوفها او يلمسها مينفعش حد من اصحابي يدخل معايا التويلت مينفعش الاطفال يعملوا أدام بعض او يلبسوا أدام بعض حتي لو نفس النوع.
14. ممنوع منعا باتا الاخوات يستحموا مع بعض من غير مايوه حتي لو نفس النوع.
15. مينفعش اسيبهم في البانيو من غير مايوه لو الاب والام هيفضلوا داخلين خارجين علي الطفل.
16. مفيش حاجه اسمها أجبر أبني أو بنتي يبوس فلان علشان ضيف أو أغصبه ان حد يبوسه أدامي ، السلام اساسا بالايد مافيش حاجة اسمها بوس وبالعافيه.
17. طبعا التفريق في المضاجع لازم يبأه للطفل سرير من وهو صغير مينمش مع الاب والام ، و طبعا مينفعش اخوات يناموا جنب بعض ، ايا كان عمرهم حتي لو نفس النوع ، و لو كان ضيق الحال ولازم يناموا علي نفس السرير يبقي لكل واحد الغطا الخاص به.
18. اهم نقطه اللي هي الاساس اي ام واب بيجبروا اولادهم علي الطاعة العمياء ، ويجبرهم علي انهم يسمعوا الكلام من غير مايفهموا الأسباب او يضربوهم ويجبروهم علي سماع الكلام ولو اعترض الطفل واتكلم بيزودوا الضرب او العقاب و مع الاسف انتوا كده بتسلموا ابنكوا او بنتكوا لأ متحرش بتسلبه كرامته وحريته فبيبأه مباح اي حد يتعدي عليه ومش هيقدر يقاوم ولا حتي يشتكي لانه لو اشتكي هيتعاقب زيادة زي ما عودتوه ده غير انه اصلا فاقد الثقة فيكم وفاقد الامان منكم فمش هييجي يحكلكم اتعمل فيه ايه ، ادوا مساحه ليهم عشان يعترضوا ويدفعوا عن حقهم ادوا مساحه ليهم امان يشتكوا وتنصفوهم.
19. تعويد الطفل من الصغر بيربي حياء وبيعرف الطفل حقوقة وانه مش مباح لاي حد غريب او قريب او حتي الاب والام وانه كيان ليه حرية الاعتراض.

ابحثوا عن التربية الجنسية للاطفال هتلاقوا معلومات كتيرة مفيدة بسيطة جدا بس بتفرق جدا في التربيه.