ابني شاطر،بيجيب درجات وحشه ليه!!

ابني شاطر، بيجيب درجات وحشه ليه!!

جربت تسأل ابنك السؤال ده قبل كده؟؟ اسأله هيرد عليك بمنتهي البساطه مش عارف او هيتحجج اي حجه تانيه

طب يا ترى ايه السبب الحقيقي في درجاته ده؟؟

:تعالى نشوف مع بعض

[1]  كل الناس بتحب تحس بالاهتمام ولكن المشكله بتحصل لما ابنك يحاول يكسب انتباهك ولو حتي بالتصرف السلبي .

[2] الكل عايز السلطه حتي ابنك عايز تكون السلطه في ايده بس المشكله انه بيسئ السلوك او بيستخدمها غلط .

[3] لما تلاقي نفسك في صراع مع ابنك اعترفله انك مش بتحب تدخل في صراع معاه وقوله اكيد دلوقتي انت حاسس بظلم وانا مش حابب انك تحس الاحساس ده ، خلينا نساعد بعض أحسن .

[4] لازم تعرف انك بالضغط علي ابنك علشان تخليه يذاكر حس انه مجروح وطبيعي انه يرد الجرح ده بصورة انتقام لانه حس ان الدرجات العاليه والنجاح اهم بكتير منه هو شخصيا.

طب اعمل ايه علشان يتحسن؟؟

[1]

لازم تقعدوا مع بعض وتحطوا اهداف للسنه محتاجين ايه وتخلصوا ايه.

[2]

.وهو كمان محتاج يرفه عن نفسه ازاي وعدد الساعات اللي يقدر يذاكر فيها

صدقني لو قعدتوا واتفاهمتوا هتكونوا افضل بكتير وابنك هيحقق المطلوب منه برضاه وبدون مقاومه او انتقام

التربيه متعبه بس هم يستاهلوا