ابنك بيتفرج علي ايه؟

كلنا في وقت الكورونا مبقناش عارفين نسيطر علي الولاد زي زمان ، بأه بيتفرجوا علي التلفزيون اكتر او ماسكين الموبيل اكتر واكتر
طب وبعدين طب ده هيأثر عليهم؟
طب يا ترى هيأثر عليهم في ايه ؟

[١] مبدأيا هيأثر علي انتباهم وتركيزهم وخصوصا لو سنهم صغير.

[٢] هيأثر علي لغتهم لو اتعرض عليهم الشاشات قبل سن اكتساب اللغه وهيصبحوا متلقين ومش هيتواصلوا مع العالم وممكن كمان ينعزلوا.

[٣] لو كبار شويه وبيلعبوا بابجي مثلا اللي المراهقين كلهم بقوا بيلعبوها هتبأه الحياه عندهم حرب ومفيش مشاكل من تطبيق شوية عدوانيه ويمكن توصل للدمويه كمان.

طيب ايه الحل تعملي ايه؟

[١] مش عارفه تسيطري اوي نقي المحتوي اللي ولادك بيتفرجوا عليه.

[٢] خلي عنيكي وسط راسك وخصوصا لو سنهم صغير واديهم العاب تفاعليه اكتر من فيديوهات بتخليهم متلقين.

[٣] استغلي شهور الدفا اللي احنا فيها ونزليهم يمارسوا انشطه اللهم اعلم الشتا هيكون فيه ايه.

نتمني ليكم كلكم السلامه والامن